Fin de curso

Ola a tod@s !!!

Esta é a última semana do curso e para acabalo dun xeito divertido que vos parece se premedes neste enlace

baile fin de curso

e nos mandades un video cun anaquiño do baile a:

sanroqueinfa@gmail.com.

Un bico da profe Ana 

Á auga patos!!

Ola a tod@s !!

Comeza unha nova semana e nos imos achegando ao final do curso.

 Está sendo un final atípico pero temos que quitarlle a parte positiva a todo isto e quedarnos cos momentos bos.

Seguro que nestes meses medrastes moito e cada día estades conseguindo novos retos, aínda que nun primeiro momento non vos saía como queriades , ou esteades dubidos@s ou insegur@s seguide intentando....NON HAI QUE RENDIRSE....

Déixovos esta curtametraxe onde se demostra que si se quere se pode...

Se estades aprendendo a montar en bici, a patinar, a nadar ....sexa o que sexa non desistades!!!!

E vistes que refrescante !!!, de seguro que xa vos destes máis dun baño na praia ou na piscina. 

É tempo de xogar ao aire libre e que mellor que facelo con AUGA.

Estades cans@s de escribir, pintar ou debuxar con ceras ou rotuladores???, que vos parece se o facedes con auga !!

podedes empregar un pincel,unha xeringa, unha bolsa con auga e furada (tipo manga pasteleira)...ou o que se vos ocorra...

Admirade ben a vosa obra porque esto é arte efímero e non tardará moito en desaparecer..

Outra opción é colorear con xeos de cores:

Enchedes unhas cubiteras ou envases de iogur de auga con colorante ou un pouquiño de témpera, poñédeslle un pau para despois poder agarralo e a conxelador.....

Outra idea é facer trasvases:

Levar auga dun recipiente a outro empregando, xarras, vasos, xeringas, culleres, esponxas(empapándoas primeiro e escurréndoas despois)... a parte de pasalo xenial estaredes traballando a motricidade fina, o equilibrio, a coordinación óculo-manual....

Poderíades facer competicións a ver quen consigue encher máis auga.!!

Flota?

Comprobar que hai materiais que flotan e outros non.

Experimentar con distintos materiais que teñades pola casa e anotar cales deles flotan e cales se funden.

E que máis divertido que facer pompas

Preparade auga e xabón!!!

preme nestes enlaces e a facer pompas

pompero con botella y pajitas

pomperos con limpiapipas

pompas gigantes

E esta semana deixo adiviñas de sons de obxectos que tendes na casa:

Boa semana!!!

Un bico da profe Ana.

El oso cazamariposas.

Ola a tod@s!

Comeza outra nova semana e volvemos a un tempo máis primaveral!!

Estamos nunha estación na que os días son máis longos, todo florece e vense pequenos insectos por todos os recunchos!!!

E por iso  no conto desta semana as bolboretas teñen un papel protagonista.

  OSO CAZAMARIPOSAS

Gustouvos???

É unha historia preciosa, e as súas protagonistas , as bolboretas, tamén o son.

Que vos parece se cada un/unha fai a súa bolboreta, ou un grupo delas!

IDEAS

Estas son algunhas ideas pero as podedes debuxar e colorear, con papel de revistas ou de xornais, ....ou de calquera outra forma que se vos ocorra.



Aquí tendes outra forma de crear bolboretas:

1º Dobramos un folio pola metade e botamos nunha das metades unhas gotas de témpera de cores.
2º Volvemos a  dobrar o folio pola metade e extendemos esa pintura aplastando o folio.

3º abrimos o folio e TACHÁN!!!!

Temos a nosa bolboreta!!

Sairon dous debuxos idénticos en cada parte do folio, é un debuxo simétrico.

A continuación déixovos uns enlaces para poder traballar a simetría e  a 
lateralidade.

E agora imos xogar coas letras:

Podedes escoller a palabra que máis vos guste, ou o voso nome, o dalgún familiar , un compañeir@,.....



 E por último un xogo moi doado de facer e moi entretido para toda a familia, o oso atrapaba cousas co se cazamariposas e vós podedes intentar atrapar unha pelota...... ÁNIMO E A ENCESTAR. 

Boa semana a tod@s e espero as vosas cousiñas.

Un bico a profe Ana.

Buscando sombra.

Ola a tod@s!

Esta semana comeza con calor e que mellor forma de levalo que á sombra,tumbad@s baixo unha árbore pasando a tarde!! 

Pero unha arbore tamén pode ser o escenario de moitas historias, de seguido preséntovos : 

A VIAXE DAS BOLBORETAS

Cantas aventuras pasaron nesa árbore !!!! E que unha árbore pode dar para moito!!!

Sombra:

Non todas as árbores dan a mesma sombra nin do mesmo xeito; podes:

•  comparar as formas das sombras, buscarlle parecidos con obxectos, animais....

• xogar a facer sombras co teu corpo ,poñer distintas posturas..

 

Medir:

Seguindo coas sombras podes descubrir canto espazo ocupan:

•  medindo con persoas que colledes nesa sombra, con contando con pasos canto ocupa, con paus......

Podes seguir medindo pero esta vez :

• o tronco da árbore, o seu grosor, intentar rodealo con brazos, contar coa palma da man, cun cordón, ou cunha cinta métrica...

• medirte ti na árbore, comprobar ata onde chegas.....

Buscar distintos tipos de árbores:

Podes descargar esta aplicación gratuíta no móbil , quitar unha foto a unha árbore ou planta que non coñezas e  terás o seu nome y características.

Con esta axuda poderías facer o teu caderno de campo e anotar o nome das árbores e plantas que tes no teu xardín, na túa casa ou pola contorna.

Este caderno tamén o podes completar cos insectos, paxaros ou distintos animais que poden vivir nas árbores.

• debúxaos ou intenta escribir o seu nome: lembra algúns dos que aparecían na curtametraxe.

Outra opción é facer eses insectos ou animais empregando elementos da natureza...

Ou podes relaxarte e desfrutar dese momento!!!!!!!

Para mover o esqueleto déixovos unha canción de Uxía Lambona e a Banda Molona.

Imos a pola semana que xa queda menos!!!!!💪😉

Espero as vosas fotos!!!

Un bico a profe Ana.

De superheroes e superheroínas

Ola a tod@s!:

É tempo de heroes e heroínas, de feito tendes que estar moi atentos e atentas por si vos atopades con algún .

No seguinte conto preséntanvos a unha delas:

Conocedes a máis superheroínas coma a do conto??

Pensádeo ben porque seguro que coñecedes a máis de un ou unha.😉

E se ti foses un superheroe ou superheroína cal sería o teu nome, que superpoderes terías?

Poderías facer o teu carné de superheroe/superheroína:

Aquí che deixo un enlace donde podes descubrir como ter máis poderes:

E se non queres que che recoñezan cando actúes como un superheroe ou superheroína que che parece se fas unha máscara  para pasar desapercibid@.

máscaras para imprimir.

Se xa tes todo preparado para usar os teus poderes pensa como os usarías para axudar aos demáis.

Como dixen antes o mundo está cheo de HEROES e HEROÍNAS !!!

Boa semana a tod@s e espero as vosas mensaxes con moitas ganas!

A profe Ana.

Dende a casa.

Ola a tod@s!!

Esta publicación é para deixarvos unha presentación dalgúns dos traballos e das fotos que recibín.
Espero que vos guste e espero recibir máis para ir completando esta presentación con cousiñas de tod@s vós.

Preme no enlace e despois iniciar presentación e listo!!!!

                 

 OS NOSOS TRABALLOS

Tempo de xuntanzas

Ola a tod@s!

Comezamos semana nova e a partires de hoxe xa podemos facer pequenas xuntanzas.👏👏

O conto que vos traio hoxe é dunha xuntanza entre amig@s  cun final inesperado, a desfrutalo! :

A CASA DA MOSCA CHOSCA

Cantos amig@s pasaron pola casa da Mosca Chosca?

E vós a quen invitariades a comer ou merendar á vosa casa?

 Teredes que preparar as invitacións!

Cantos seriades?

2,3,4,5,6,7,8,9,10?????

Podedes recortar folios, cartolinas, cartón , xornais ou calquera outro tipo de papel para facelas e decoralas.

Invitacións listas ! Agora toca preparar a mesa!!

Podedes facer manteis individuais ou un gran mantel con todo o preciso, conta ben os invitados que tes.

Para traballar o trazo podedes facer vos mesm@s os estampados.

Podedes practicar axudando a poñer a mesa na casa, contade ben cantos sodes e canto pratos necesitades, cantos garfos, culleres, panos....

E porque non lle buscamos outros usos aos utensilios da cociña:

Algunhas ideas poden ser facer series e así traballar conceptos matemáticos, ou compoñer mandalas e dar renda solta a vosa creatividade.

Se premedes neste enlace teredes distintas mandalas para colorear: 

http://www.supercoloring.com/es/dibujos-para-colorear/artes-y-cultura/mandala 

A mosca chosca preparou unha torta , vós que preparariades para esa comida??

Que vos parece se me mandades a receita ou unha foto do menú. 

E para non perder as boas costumes déixovos algo de música:

https://www.youtube.com/watch?v=J3JDhxKSA0I

Preme nos enlaces destas fichas interactivas:

https://es.liveworksheets.com/c?a=c&m=n&l=ek&i=cstfux&r=vr

https://es.liveworksheets.com/c?a=c&l=rq&i=cstxxs&r=cf

https://es.liveworksheets.com/c?a=c&m=n&l=ey&i=czston&r=tk

Encántanme todos os traballiños e as fotos que me estades mandando,seguide así!!!

Espero as vosas mensaxes a través do correo.

Boa semana!!😉